Архиви: Енциклопедија

ТОШЕВСКИ, Иван (Битола, 22. Ⅷ 1929 – Скопје, 2. Ⅷ 2008) – новинар, публицист и дипломат. Работел како новинар во Радио Скопје (1953–1961), а од есента 1963 г. во Телевизијата. Бил директор и главен уредник на Телевизија Скопје (1967-1970), во периодот значаен по напорите за воведување централна информативна емисија на македонски јазик, самостојно учество во… Continue reading ТОШЕВСКИ, Иван

ТОШЕВСКИ, Игор (Скопје, 27. Ⅸ 1963) – графичар и мултимедијален уметник. Дипломирал на Академијата за ликовни уметности во Хелсинки (1988). Член е на групата Зеро. Самостојно излагал во Хелсинки, Скопје, Велес, Куманово, Ерланген, Љубљана. Со проникнување меѓу различни визуелни јазици навлегува во социјалните простори поврзани со транзицијата во македонското општество (Досие 96, 1996: Процес, 2004).… Continue reading ТОШЕВСКИ, Игор

ТОШЕВСКИ, Стојче (с. Раинци, Егејскиот дел на Македонија, 28. Ⅱ 1944) – композитор. Еден од истакнатите претставници на генерацијата композитори што на македонската музичка сцена стапија во почетокот на седумдесеттите години од ⅩⅩ век. Студиите по композиција кај Вл. Николовски во Скопје, М. Живковиќ и Е. Јосиф во Белград му овозможија да развие плодна творечка… Continue reading ТОШЕВСКИ, Стојче

ТОШО ДАСКАЛОТ – в. Ангеловски, Тодор Петрев.

ТРАДИЦИОНАЛНА АРХИТЕКТУРА – ја означува целокупната архитектонска продукција што ги вклучува сите единечни архитектонски традиции (народното градителство, фолклорната, градската, селската, сакралната, профаната) на сите ентитети, во однапред дефинирани граници (во теориска, методолошка, територијална, историска и практична истражувачка смисла). Овој поим го опфаќа народното градителство. К. Гр.

ТРАИКОВСКИ, Борислав (Битола, 15. Ⅵ 1917 – Битола,11. Ⅹ 1996) – сликар и педагог. Дипломирал на Академијата за ликовни уметности во Белград (1951). Член е на групата ВДИСТ. Имал ретроспектива во Скопје (Чифте амам, 2003). Најдоследно ги спровел искуствата на историскиот Борислав Траиковски: Патеки (1980) експресионизам и знаковноста во апстрактното сликарство. М. Б.-П.

ТРАЈАН (Ⅺ в.) – четвртиот син на царот Јован Владислав. Со мајка му Марија и еден дел од царското семејство лично го пречекал Василиј Ⅱ во Охрид (летото во 1018), по што бил дел од триумфалната поворка. Неговата лоза се етаблирала во Византија – ќерката Марија и внуката Ирина се ородиле со семејствата Дука и… Continue reading ТРАЈАН

ТРАЈАНОВ, Борис Гогов (Љубљана, Словенија, 4. Ⅺ 1959) – оперски певец, баритон. Студира пеење со татко му Гога Трајанов во Скопје, со Бисерка Цвеиќ во Бел-град и со Пиер Миранда Фераро во Милано. Соло пеење дипломира на ФМУ во Скопје кај Б. Николовски (1985), а магистрира на Музичката академија во Белград во класата на Б.… Continue reading ТРАЈАНОВ, Борис Гогов

ТРАЈАНОВ, Гога (Прилеп, 25. Ⅲ 1922) – оперски певец, тенор. Пеење учел кај проф. Бетето во Љубљана. Во Операта на МНТ работи како солист од 1951 до 1983 г. Во својот фах, остварил повеќе од 15 главни и повеќе помали улоги од стандардниот и домашниот оперски репертоар. Гостувал во Србија, Словенија, Пол-ска, Романија и Германија.… Continue reading ТРАЈАНОВ, Гога

ТРАЈАНОВ, Павле (с. Радеш, Радовишко, 25. ⅩⅠⅠ 1952) – политичар. Го завршил Правниот факултет во Скопје и положил правосуден испит. Работел како началник во СВР/МВР и бил министер за внатрешни работи (1998–1999). Основач и претседател на партијата Демократски сојуз и пратеник во Собранието на РМ. Р. Александар Трајановски

ТРАЈАНОВСКИ, Александар (с. Долни Липовик, Радовишко, 7. Ⅲ 1945) – историчар, научен советник во ИНИ во Скопје и унив. професор. Завршил Учителска школа во Битола, а потоа дипломирал на Филозофскиот факултет во Скопје (Група за национална историја), каде што и магистрирал (1975) и докторирал (1985). Извесно време бил наставник во с. Конче, Радовишко и професор… Continue reading ТРАЈАНОВСКИ, Александар

ТРАЈКОВ, Никола (с. Вранештица, Кичевско, 26. Ⅴ 1888 – Софија, 12. Ⅵ 1963) – филолог, историчар, дипломат. Се школувал во Битола и Софија. На Софискиот универзитет завршил словенска филологија. Работел како учител, новинар, дипломат и унив. професор (по новогрчки јазик). Учествувал во македонското национално-ослободително движење. Во текот на Балканските војни бил доброволец во Македонско-одринското ополчение.… Continue reading ТРАЈКОВ, Никола

ТРАЈКОВ, Петар (Пеце) (с. Врбени, Леринско, 2. Ⅵ 1886 – Софија, 13. И 1964) – национален деец и воен командант, полковник. Завршил гимназија во Битола. По Втората балканска војна емигрирал во Бугарија и завршил воена академија, а во Првата светска војна бил офицер во бугарската армија на Македонскиот фронт. Подоцна се вклучил во ВМРО (1923),… Continue reading ТРАЈКОВ, Петар

ТРАЈКОВ, Стево (Чичево, Велес, 1930) – редовен професор на Технолошко-металуршкиот факултет во Скопје и истражувач. Во Чехословачка (од 1946) дипломирал на Вишата хемиско-индустриска школа во Прага (1954), магистрирал и докторирал на Универзитетот во Острава (1959). Работел во Чешката академија на науките (1958–1962) и во Министерството за металургија и рударство. Во Скопје е (од 1963) вклучен… Continue reading ТРАЈКОВ, Стево

ТРАЈКОВ, Трајко Павлов (Дебар, 11. Ⅷ 1931) – фармаколог, редовен проф. на Мед. ф. Од 1958 до 1996 г. работи на Институтот за фармакологија и токсикологија на Мед. ф. во Скопје. Заслужен е за втемелувањето на базичната и клиничката фармакологија на факултетот. Бил директор на Институтот, шеф на Катедрата, продекан, автор на учебник за Средномедицинското… Continue reading ТРАЈКОВ, Трајко Павлов

ТРАЈКОВСКИ, Борис (с. Муртино, Струмичко, 25. Ⅵ 1956 – Мос-тар, БиХ, 26. Ⅱ 2004) – втор по ред претседател на самостојна и суверена Република Македонија(1999–2004). Гимназија завршил во Струмица, а Правен факултет во Скопје (1981). Дванаесет години бил претседател на младината на Обединета методистичка црква во СФРЈ. Раководител на правната служба при градежното претпријатие „Слобода“… Continue reading ТРАЈКОВСКИ, Борис

ТРАЈКОВСКИ, Димче (Скопје, 23. Ⅲ 1898 – Битола, 1978) – прв професионален актер и режисер во Македонија. Сопственик на патувачки театар пред Втората светска војна, во кој, покрај скечевите и врапчињата, биле играни и: „Печалбари“, „Македонска крвава свадба“, „Во синџири“, „Жена сотона“, комедии на Нушиќ и др. Тој е еден од втемелувачите на Македонскиот народен… Continue reading ТРАЈКОВСКИ, Димче

ТРАЈКОВСКИ, Кирил (Штип, 27. Ⅺ 1951) – археолог. Дипломирал на Филозофскиот факултет (Група за археологија) во Белград (1976). Работи како кустос-советник за средновековна археологија во Музејот на Македонија (од 1977). Раководител на проектите за истражување на локалитетите Моробисдон, Брегалница и Коњух. БИБ.: Средновековниот град Мородвис во Македонија, зб.: ТрудÎ Пятого международного конгресса СлавянскоŸ археологии, Ⅲ,… Continue reading ТРАЈКОВСКИ, Кирил

ТРАЈКОВСКИ, Љубиша (Скопје, 29. Ⅺ 1927 – Битола, 1995) – актер. Неколку сезони настапувал во Народниот театар во Струмица, а потоа во Народниот театар во Битола е носител на репертоарот. УЛОГ: Илија („Антица“), Џими („Вејка на ветрот“), Помет („Дундо Марое“), Отело (во истоименото дело), Аспров („Вујко Вања“), Драшко Каровски („Чекор до есента“), Мурина („Свечена вечера… Continue reading ТРАЈКОВСКИ, Љубиша

ТРАЈКОВСКИ, Стојан (Скопје, 1920 – Скопје, 1965) – новинар и стенограф. Прв спортски уредник во „Нова Македонија“ од 1945 г., прв македонски известувач од светско фудбалско првенство (швајцарија, 1954). Од 1955 г. уредник на дописничката мрежа во Радио Скопје. Б. П. Ѓ. Тома Трајковски

ТРАЈКОВСКИ, Тома (Битола, 1933 – Битола, 1998) – стопанственик, конструктор, унив. професор. Дипломирал на Машинскиот факултет во Белград (1960). Работел во Фабриката за фрижидери „Георги Наумов“ во Битола како конструктор, бил раководител на одделение и управник на погон. На Вишата техничка школа во Битола е избран како хонорарен наставник (1962), а во 1968 г. стапува… Continue reading ТРАЈКОВСКИ, Тома

ТРАЈЧЕВ, Георги (Прилеп, 1869 – ?) – историчар, публицист, револуционер. Ја завршил Солунската бугарска машка гимназија и бил учител. Член на ТМОРО (1896) и претседател на Околискиот револуционерен комитет во родниот град (1908). ДЕЛ: Мариово, Соф., 1923; Дојран и неговото езеро, Соф., 1923; Преспа, Соф., 1923; Старини во Преспа, Соф., 1924; Преспанското езеро, Соф., 1924;… Continue reading ТРАЈЧЕВ, Георги

ТРАЈЧЕВСКИ, Тодор (Штип, 3. Ⅷ 1954) – композитор, аранжер и хармоникаш. Се вработил (1983) во Народниот оркестар на МРТ, апотоа станал и негов раководител (1988). Автор е на голем број песни (околу 200), аранжмани (над 400), како и на инструментални композиции за голем народен оркестар („Фолк загатка“, „Чие е она девојче“, „Изникна ми бадем дрво“,… Continue reading ТРАЈЧЕВСКИ, Тодор

ТРАНЗИЦИЈАТА НА МАКЕДОНСКАТА ЕКОНОМИЈА – процес на радикални и сеопфатни промени во сите сегменти на политичкиот и економскиот систем на земјата, кои водат кон премин од социјалистички економски систем, со доминација на општествената и државната сопственост, во систем на пазарна економија, со доминација на приватната сопственост и пазарна алокација на ресурсите. Економската содржина на транзицијата… Continue reading ТРАНЗИЦИЈАТА НА МАКЕДОНСКАТА ЕКОНОМИЈА