ЈОЦИЌ, Светлан Христова (Ресен, 27. Ⅱ 1941) – поет, прозаист, писател за деца и есеист. По основното училиште во Охрид и Учителската школа во Битола, дипломирала на Катедрата за педагогија на Филозофскиот факултет во Скопје (1967) и, по четиригодишната учителска дејност во охридските села, работи како педагог на Клиниката за детски болести на Мед. ф-т во Скопје (1960–1970), а потоа до пензионирањето како новинар во Образовната програма на Радио Скопје (1970–1995). Член е на ДПМ (од 1971), негов секретар (1994&1995) и претседател (1996–1998), претседател на Собранието на ДПМ (од 2006) и член на Македонскиот ПЕН центар (1997). Иницијатор и прв главен и одговорен уредник на органот на ДПМ „Стожер” и идеен творец на поетската манифестација „Празник на липите” (1996). Соосновач и претседател на Меѓународната манифестација за уметничка и научна дејност „Македонски духовни конаци” (1999) и главен и одговорен уредник на нејзниот гласник „Портал” (од 2000). Учесник на повеќе поетски манифестации во земјата и во странство. БИБ.: поезија: Калесница (1970), Скришен ковчег (1974), Сињо (1980), Еа (1984), Зачатие (1990), Поетски устав (1992), Самечка ќелија (1993), С. Бесмртна (1996), Големата молитва (2000); поезија за деца: Алка за нишалка (1981); проза: Стровиште (1994); проза за деца и млади: Последната битка (1980), Македонска царица (1992), Гусларот (1993), Крста и монистрото (2003), Македонската царица и бисерот (2004); критичко-есеистичк книги: Кажано од троножец (2005), 111 прашања за Луан Старова (1908); избори: Душница (1993), Направи едно чудо (2008); антологии: Сонцето во македонската поезија (2003), Сто без една песна (2006), Александар Македонски во науката и свеста на потомците (2008). Бл. Р. Лу Јуан

Напишете коментар

Вашата адреса за е-пошта нема да биде објавена.