ТИМОТЕЈ, митрополит (Славе Јовановски) (с. Младо Нагоричане, Кумановско, 20. Ⅹ 1951) – архијереј на Македонската православна црква. Завршил Богословија во Скопје (1972), Богословски факултет во Белград (1976) и постдипломски студии во Рим. Работел во администрацијата на Македонската архиепископија, бил предавач на Богословскиот факултет во Дебарскокичевскиот митрополит Тимотеј Скопје и в.д. ректор на Македонската православна богословија во Драчево. Замонашен (10. Ⅸ 1981) во манастирот „Св. Јован Бигорски“, а хиротонисан за архијереј (20. Ⅸ 1981) во храмот „Св. Димитрија“ во Скопје. Ја добил титулата Митрополит австралиски и ја раководел Австралиската и ја администрирал Дебарско-кичевската епархија, вршел и должност секретар на Светиот архијерејски синод (1989–1994). Разрешен од Австралиската (1995), останал да ја раководи Дебарско-кичевската епархија, а бил администратор и на Повардарската епархија (1998–1999 и 2002–2006). ЛИТ.: Ратомир Грозданоски, Михаил Архиепископ Охридски и Македонски, Скопје, 1994; истиот, Стефан Архиепископ Охридски и Македонски, Скопје, 2000. Рат. Гр.