ПОПОВСКИ, Александар (Скопје, 13. Ⅷ 1969) – режисер. Дипломирал на Отсекот за театарска и филмска режија на ФДУ во Скопје (1994). Заедно со Дарко Митровски е основач на алтернативната група „Црв“ (1989-1991) и на филмската продуцентска куќа „Мирко и Славко – прва партизанска продукција“ (1996). РЕЖИИ: „Туку така под облака“ (заедно со Дарко Митревски); „Маме му ебам кој прв почна“; „Диво месо“; „Балканот не е мртов“; „Дон Жуан“. Често режира и вон границите на Македонија: „Буре барут“ (Театар „Керемпух“, Загреб, Хрватска); „Роберто Зуко“ (Ателје 212, Белград, Србија); „Дон Кихот“ (Словенско народно гледалишче, Љубљана, Словенија). Р. Ст. Анте Поповски